Barcelona me stadium të ri në sezonin 2023-2024. Klubi katalanas ka njoftuar se ndeshjet do i zhvillojnë në stadiumin Olimpik për shkak se ‘Camp Nou’ do t’i nënshtrohet rikonstruksionit.
Stadiumi më i madh në Europë me një kapacitet prej 99.354 vendesh do të marrë emrin e sponsorit ‘Spotify’ në një marrëveshje të nënshkruar në mars.
Klubi katalanas ka konfirmuar lajmin ku ndër të tjera thuhet: “Do të fokusohemi më tepër në fushën teknologjike, si dhe në zhvillimin urban jashtë stadiumit.
Në brendësi të stadiumit do të shembet struktura në jug në të cilën ndodhet qendra mjekësore.” Faza e fundit e rikonstruksionit do të përfshijë një ekran gjigand i cili do të jetë 360 grade për shikuesit dhe do të vendoset në vitin 2025.
