Varianti i coronavirusit Omicron ka pësuar ndryshim duke prodhuar një tjetër Mutracion, atë BA2 i cili ka një infektueshmëri 30 % më të lartë se sa Omicroni.
Ky variant i ri përveç se infekton më shumë, ka ndryshuar edhe simptomat tek personi që bie në kontakt me të. Me të vështirë e kanë të pavaksinuarit.
Skënder Brataj: Nuk mund të themi që është me agresiv se Omicroni. Ai prek aparatin tretës, djegie stomaku, të vjella, diarre, si dhe rrugët e sipërme respiratore, por jo të na japë insuficienca respiratore deri humbje jete.
Ilir Alimehmeti: Kush ka imunizim nuk shfaq klinike të rëndë, nuk po flasim këtu për një dhimbje gryke apo bllokim hundësh. Secili nga ne e di tanimë gjendjen imunitare në familje. Varianti i ri i Omicron, Ba2 ka rritur numrin e rasteve të infektuara në Europë si, Francë ,Gjermani Itali, së fundmi edhe në Greqinë fqinje. Ky variant infekton më shumë se sa edhe vetë Omicron. Në Shqipëri nuk vihet re rritje e numrit të të infektuarve, ndonëse ka dyshime dhe disa mostra janë dërguar për konfirmim në laboratorin e referencës. Por edhe nëse Ba2 mund të jetë i pranishëm në vendin tonë ekspertët duken optimistë, pasi thonë se një pjesë e mirë e shqiptarëve e kanë kaluar coronavirusin dhe po kështu ka një përqindje të mirë të vaksinuar.
Skënder Brataj: Fatmirësisht të gjithë indikatorët edhe pse mund të këtë një rritje të lehtë, janë të qëndrueshëm, kemi 2 -3 te shtruar në spital, janë diku tek 14 vetë.
