Do të jetë një miqësore që vetëm emrin ka të tillë. Si Shqipëria, ashtu edhe Gjeorgjia kërkojnë fitoren në ndeshjen e orës 18. Kuqezinjtë do të përdorin disa lojtarë të rinj ndërsa skuadra mike që nuk ka asnjë mungesë, kërkon të konfirmojë fitoret e ndeshjeve të fundit.
Gjeorgjia shpreson të fitojë ndeshjen miqësore ndaj Shqipërisë, takim që do të luhet në orën 18 në Air Albania. Skuadra e drejtuar nga francezi, Willy Sagnol ka shënuar rezultate më të mira se kuqezinjtë në 5 ndeshjet e fundit, pavarësisht se nuk është përballur me skuadra të mëdha si Anglia apo Spanja.
Tekniku kampion bote, ka ndërtuar një mbrojtje të fortë si baza e ekipit duke pësuar vetëm një gol në 5 sfidat e fundit, dy prej të cilave ishin miqësore. Edhe Gozovës iu desh të shënonte me penallti në ndeshjen mes tyre në Tetor. 45-vjeçari nuk ka probleme dëmtimesh në skuadrën e tij.
Nga ana tjetër, Edi Reja do të lërë në stol disa prej titullarëve të ndeshjes me Spanjën për t’i dhënë mundësi të rinjve. Italiani kërkon të shohë sa të vlefshëm do të jenë ata për ndeshjet e ardhshme zyrtare.
Shqipëria ka një rekord me 7 humbje në 13 përballje me Shqipërinë. Përballja e fundit me kombëtaren e Gjeorgjisë ka qenë në Nëntor 2015 me një barazim 2-2 në miqësore.
Poertieri i Lazio Thomas Strakosha pret të jetë në formacionin titullar, ndërsa, Sokol Cikalleshit i duhet vetëm një gol për të hyrë në treshën më të mirë të golashënuesve të Shqipërisë.
