Gjatë javës së kaluar janë regjistruar 1.696 raste të reja pozitive apo 7.5% më pak se java paraprake. Pjesa më e madhe e infektimeve të reja shënohen në Shkup – 1.032. Grupmosha më e prekur vijojnë të jenë personat mbi 60 vjeç.
Janë evidentuar 17 raste të vdekjeve apo 13.3% më shumë se java e kaluar kur u regjistruan 15 viktima. Shumica e viktimave janë mbi 60 vjec.
Në laboratorin për virusologji dhe diagnostikë molekulare pranë ISHP gjatë javë së kaluar janë kryer testime për praninë e llojit të Varianteve të viruseve të COVID-19.
Në 90 raste apo 97.4% është dëshmuar prania e virusit “Omicron”, kurse 5 raste apo 5.3% janë detektuar me variantin “Stelt”.
Sipas raporteve nga spitalet, për momentin të hopitalizuar janë 82 pacientë ose 24.8% më pak se java paraprake. 33 prej tyre janë me oksigjeno-terapi.
Deri më 24 Mars, sipas ISHP-së, me një dozë janë vaksinuar 872.652 qytetarë, me dy doza 852.855, kurse dozën e tretë e kanë marrë 152.019 qytetarë.
Në vazhdë e sipër është edhe karvani për promovimin e vaksinimit anti-covid, që organizohet nga MSH-ja, me mbështetje të OBSH-së, USAID-it dhe UNICEF-it.
