Lufta në Ukrainë ka ngritur shumë pikëpyetje lidhur me faktin se si dhe sa shpejt do të përfundojë konflikti ushtarak mes Ukrainës dhe Rusisë. “BBC” ka renditur disa mënyra se si mund të shkojë situata atje, por shumica e parashikimeve janë të zymta.
Lufta mund të jetë e shkurtër. Rusia shton operacionet ushtrake duke bërë që Kievi të bjerë në duart e rusëve, presidenti i Ukrainës Volodymyr Zelensky vritet ose arratiset dhe Rusia instalon një qeveri kukull me një figurë pro-ruse.
Skenari tjetër është që lufta mund të jetë e gjatë. Ndoshta forcat ruse ngecin. Me kalimin e kohës, forcat e Ukrainës vazhdojnë rezistencë , ndërsa Perëndimi vazhdon të furnizojë me armë. Ndoshta pas shumë vitesh, Rusia vendos përfundimisht të largohet. Tjetër parashikim që vjen nga gjigandi mediatik është që presidenti Vladimir Putin mund të dërgojë trupa ushtarke në ish-republikat sovjetike si Moldavia dhe Gjeorgjia, që nuk janë pjesë e NATO-s. Putin mund të tundohet se situata mund të përshkallëzohet më tej.
Një rrugë tjetër ajo që do të ishte më e pëlqyeshmja është për një zgjidhje diplomatike. Nëse lufta shkon keq për të, Putin mund të gjykojë se vazhdimi i luftës do të jetë një kërcënim i madh. E fundit që thotë “BBC” se mund të ndodhë është që Putin të rrëzohet nga pushteti.
Nëse lufta është katastrofike për Rusinë, populli mund t’i kthehet kundër dhe të gjithë ata që kanë përfituar nga Putini do të përfundojnë duke i kthyer shpinën.
