Zyrtarët ukrainas dhe rusë pritet që të mbajnë gjatë fundjavës raundin e tretë të bisedimeve në përpjekje për t’i dhënë fund pushtimit të nisur nga Moska. “Raundi i tretë mund të mbahet nesër ose pasnesër, ne jemi në kontakte të vazhdueshme”, është shprehur këshilltari presidencial Mykhailo Podolyak.
Raundi i parë i bisedimeve u zhvillua në kufirin mes Bjellorusisë dhe Ukrainës, por nuk pati ndonjë arritje. Në takimin e dytë mes zyrtarëve, Rusia u dakordësua pas nevojës për armëpushim të përkohshëm në korridoret humanitare për të lejuar civilët që t’i largohen luftimeve.
Megjithatë Ukraina thotë se ky rezultat nuk është ai çfarë shpresohet. Presidenti Volodymyr Zelensky i ka kërkuar Putin bisedime kokë më kokë, duke thënë se kjo është mënyra e vetme për t’i dhënë fund luftës.
