Lëshohen në hapësirë 47 satelitë të tjerë Starlink për internetin global. Sistemi hyri në funksion në Ukrainë në ndihmë të komunikimeve gjatë konfliktit me Rusinë.
Ky është blloku i gjashtë për këtë vit i satelitëve Starlink të “Space X”, kompania e Elon Musk. Aktualisht në orbitë përreth Tokës janë gjithsej 1919 satelitë të tillë.
Ndërkohë që dy ditë më parë u bë e ditur se terminalet Starlink, sipas premtimit të Musk, mbërritën në Ukrainë. “SpaceX” dërgoi një kamion me router të kompanisë për t’u shpërndarë në ente, organizata e civilë në mënyrë që të kenë akses ne internet. Lajmi i mbërritjes së tyre u konfirmua në rrjetet sociale edhe nga zv.kryeministri ukrainas Mykhailo Fedorov.
