Epidemiologu Ilir Alimehmeti shprehet se është momenti për heqjen e masave anti-Covid. Ai thotë se kurba e infeksioneve prej disa javësh është në rënie dhe se pritet që ky trend të vijojë.
Mjeku u shpreh për “ABC Live” se piku i shtrimeve spitalore ishte më 23 janar, ndërsa tashmë numri i pacientëve është më pak se 100.
“Kurba ka qenë në rënie prej disa javësh. Më 23 janar patëm pikun e shtrimeve spitalore. Sot kemi rënë nën shifrën 100 të shtruar në spital. Tendenca e trajaktores është në rënie. Presim që kjo rënie të vazhdojë.
Në Shqipëri koeficienti “r” i kurbës në 1 shkurt ishte 0.55, numri më i ulët në historikun e vendit tonë. Koeficienti është në rënie, qartësisht jemi në momentin që mund të mbështetet heqja e masave. Megjithatë, ka ende pacientë të shtruar në spital. Ne na shqetëson edhe një i vetëm që humb jetën”, tha mjeku.
Ky i fundit bëri me dije më herët përmes një postimi në rrjetet sociale se sot është dita e parë që prej qershorit që nuk ka asnjë pacient në ndjekje.
