Shteti fqinj, Italia duke filluar nga data 1 shkurt do të fusë në fuqi masa të reja anticovid. Mediat vendase bëjnë me dije se duke filluar nga e marta do të ndryshojnë rregullat për Green pass-in dhe të pavaksinuarit.
Autoritetet italiane theksojnë se kohëzgjatja e certifikatës së gjelbër do të reduktohet nga 9 që është aktualisht në 6 muaj. Të gjithë qytetarët duhet të jenë të pajisur me këtë dokument pasi nëse nuk e kanë nuk do t’u lejohet hyrja në dyqane dhe në zyra të ndryshme të shërbimeve publike.
Një tjetër masë do të shtohet për të gjithë qytetarët mbi 50 vjeç të cilët duhet të vaksinohen që ti shpëtojnë gjobave. Nëse nuk vaksinohen 50 vjeçarët do të jenë të detyruar që të paguajnë gjobën prej 100 eurosh, dhe nga kjo gjobë do të përjashtohen vetëm personat që e kanë të pamundur të aplikojnë vaksinën.
