FIFA do të shpallë sot në mbrëmje më të mirët për 2021. Në garë për futbollistin janë Lionel Messi, Robert Lewandowski dhe Mohamad Salah.
Messi vjen pas suksesit në Topin e Artë ku triumfoi për herë të shtatë. Si Lionel Messi dhe Robert Lewandowski e kanë marrë më parë çmimin Lojtari më i mirë i Vitit, ndërsa Mohamed Salah është renditur i treti në 2018.
Përzgjedhja bëhet duke mbledhur vota të gazetarëve, trajnerëve e kapitenëve të ekipeve përfaqësues dhe tifozëve. FIFA do të dorëzojë vlerësimet edhe në kategori të tjera ku veçohen trajneri më i mirë, ekipi më i mirë apo goli më i bukur i vitit ose siç njihet ndryshe çmimi Pushkash. Ky është edicioni i gjashtë i këtij aktiviteti.
