Indeksi i pasaportave i firmës Henley, bazuar në të dhënat ekskluzive të ofruara nga Shoqata Ndërkombëtare e Transportit Ajror (IATA), ka monitoruar rregullisht pasaportat më të përshtatshme për udhëtime në botë që nga viti 2006.
Indeksi nuk merr parasysh kufizimet e përkohshme, kështu që mbajtësit e pasaportave në krye të renditjes së tij – Japonia dhe Singapori – janë në gjendje, teorikisht, të udhëtojnë pa viza në 192 destinacione.
Europa dominon
Më poshtë në top 10-she, renditja mbetet praktikisht e pandryshuar ndërsa hyjmë në tremujorin e parë të 2022. Koreja e Jugut është e barabartë me Gjermaninë në vendin e dytë (me një rezultat prej 190) dhe Finlanda, Italia, Luksemburgu dhe Spanja janë të gjitha së bashku në vendin e tretë. (me rezultatin 189).
Vendet e BE-së dominojnë në krye të listës si zakonisht, me Francën, Holandën dhe Suedinë që ngjiten një pikë për t’iu bashkuar Austrisë dhe Danimarkës në vendin e katërt (me një rezultat 188). Irlanda dhe Portugalia janë në vendin e pestë (me 187 pikë).
Shtetet e Bashkuara dhe Mbretëria e Bashkuar, të cilat mbanin vendin e parë në vitin 2014, kanë rifituar pak terren. Ata janë ngritur një renditje në vendin e gjashtë, së bashku me katër kombe të tjera me një histori izolacioni ose neutraliteti: Zvicra, Norvegjia, Belgjika dhe Zelanda e Re.
Në numrin 7 kemi Australinë, Kanadanë, Çekinë, Greqinë dhe Maltën. Vendet e Europës Lindore përbëjnë pjesën tjetër të 10-shes së parë. Hungaria dhe Polonia janë ngjitur në vendin e tetë, Lituania dhe Sllovakia janë ngjitur në vendin e 9-të dhe Estonia, Letonia dhe Sllovenia janë në vendin e dhjetë.
Pasaportat më të mira për të mbajtur në vitin 2022 janë:
1. Japoni, Singapor (192 destinacione)
2. Gjermania, Koreja e Jugut (190)
3. Finlandë, Itali, Luksemburg, Spanjë (189)
4. Austria, Danimarka, Franca, Holanda, Suedia (188)
5. Irlandë, Portugali (187)
6. Belgjika, Zelanda e Re, Norvegjia, Zvicra, Mbretëria e Bashkuar, Shtetet e Bashkuara (186)
7. Australi, Kanada, Republika Çeke, Greqi, Maltë (185)
8. Polonia, Hungaria (183)
9. Lituani, Sllovaki (182)
10. Estonia, Letonia, Sllovenia (181)
Pasaportat më të këqija për të mbajtur
104. Koreja e Veriut (39 destinacione)
105. Nepali dhe territoret palestineze (37)
106. Somali (34)
107. Jemeni (33)
108. Pakistan (31)
109. Siri (29)
110. Irak (28)
111. Afganistan (26)
Po Shqipëria?
Sipas listës së firmës Henley Shqipëria renditet në vendin e 49-të me 114 destinacione që qytetarët shqiptarë mund të udhëtojnë pa patur vizë. Vendi ynë është rritur me 30 pozicione që nga viti 2006.
Historia e renditjes së Shqipërisë:
, ka monitoruar rregullisht pasaportat më të përshtatshme){kind=link}