Vendi ynë ka shënuar numrin më të lartë të të infektuarve në këto 22 muaj pandemi. Sipas epidemiologëve kjo gjë ishte e pritshme pasi varianti Omicron është shumë herë më infektues se sa Delta dhe shifrat do të vijnë në rritje.
“Ishte e pritshme një trend në rritje e numrit të rasteve me të dhënat paraprake që variant Omicron nuk është aq agresiv dheiI ashpër sa Delta, por transmetueshmëria e tij është më e lartë. Grupmosha mbizotëruese është aktive, 25-44 vjeç e ndjekur nga mosha 44-60 vjeç. Varianti Omicron po bëhet dominues ndaj vaksinimi po merr rëndësi më të madhe me qarkullimin e tij, si dhe respektimi i masave”, tha ai.
Edhe pse situata aktuale në spitale është e qëndrueshme nuk përjashtohet mundësia e rëndimit të situatës së hospitalizimeve.
“Ka vetëm rritje të numrave të infektimit por pa agresivitet dhe shtrim në spital. Jemi në stinën e dimrit dhe nuk mund të parashikojmë si do jetë ecuria. Nga një numër i madh që do të preken mund të ketë edhe ndonjë rast spitalor”, shperhet mjeku.
Ende në vend nuk është sinjalizuar për asnjë pacient që të jetë i infektuar njëkohësisht edhe nga gripi, edhe Covidi, pavarësisht se përhapja e gripit është shumë e lartë.
“Momentalisht nuk është vërejtur infektim i njëkohshëm dhe nga Covid, dhe nga gripi. Nëse një person është i prekur nga dy viruset mund të konfirmohet në laborator”, tha ai.
Gjatë 6 ditëve të para të Janarit janë infektuar 4,681 persona duke bërë që rastet aktive të shkojnë në mbi 9 mijë raste nga 5.500 që ishin në fund të Dhjetorit.
