Miliarderi Elon Musk është njeriu më i pasur në botë. Si CEO i kompanisë së hapësirës ajrore SpaceX, kompanisë së makinave elektrike Tesla dhe kompanisë neuroteknologjike Neuralink, si dhe themelues i The Boring Company, e cila ndërton tunele, Musk ka shumë punë për të menaxhuar brenda një dite.
“Unë punoj shumë”, i tha Musk Joe Rogan gjatë episodit të fundit të ‘The Joe Rogan Experience’.
“Zakonisht jam në takime pune deri në orën 1 ose 2 të mëngjesit. Të shtunën dhe të dielën, zakonisht jo, por ndodh edhe që jam sërish në punë”, thotë Musk.
Po si ka kohë për t’i bërë të gjitha? Dhe a fle gjumë.
Po, fle, rreth gjashtë orë në ditë. “Unë jam përpjekur të fle më pak, por kam vënë re se produktiviteti ulet. Gjithsesi më shumë sesa gjashtë orë nuk fle dot”, tha Musk.
Është i kënaqur edhe me kaq duke pasur parasysh që me raste ka qëndruar edhe zgjuar gjatë gjithë natës. Bëhet fjalë për të kaluarën, por që nuk është shumë e largët.
Ai ka treguar se punonte 120 orë në javë. Ndonjëherë flinte në dysheme nën tavolinën e tij në punës tek Tesla.
