Një aksident masiv ka ndodhur mbrëmjen e sotme në aksin e autostradës Milot- Mamurras.
Janë përplasur me njëra tjetrën katër makina dhe njëra prej tyre shoqëronte ish-kryeministrin Sali Berisha në takimin e sotëm të Foltores.
Pas përfundimit të takimit në Kurbin, përgjatë kthimit në kryeqytet njëra nga makinat e eskortës së Berishës është përfshirë në aksident.
Të lënduar lehtë nga aksidenti janë 3 persona. Ata po marrin mjekim në urgjencën e Laçit. Ende nuk janë mësuar shkaqet e aksidentit.
