I trishtë ishte lajmi për ndarjen nga jeta parakohe të artistes së dashur për publikun shqiptar Hueyda El Saied. Ndërkohë në rrjetin e saj social, Hueyda ka publikuat më 15 shtator edhe shënimin e saj të fundit për të birin, ditën kur ai filloi klasën e parë.
‘Sot ishte dita e parë e shkollës për Gabrielin. Çfarë emocioni. Sa shpejt ikën koha, më duket sikur jo më larg se dje ne u takuam për herë të parë dhe direkt ti dëshiron të mësosh, të lexosh çfarë shkruaja për ty kur ishe në brendësinë time. Me the që kishë frikë të shkoje në shkollë se s’do të arrije të shkruaje dhe flisje (gjermanisht). Ti nuk ke asnjë arsye zemra ime, se përveçse ti je i prirur për gjuhët (gjermanishtja do të jetë gjuha e pestë që do të flasësh) dhe sikur të jesh i fundit i klasës për babi Thierryn dhe mami Edin ti je një kampion. Ti e ke marrë diplomën e suksesit ditën kur më buzëqeshe për herë të parë, ditën kur më thirre mama, ditën kur the në shqip «Merre me long se mishi u maru», apo ditën kur the «Babi Thierry unë kam një zemër të madhe për ty». Vit të mbarë shkollor krenaria jone. Të duam pafund Gabriel. Babi, mami, nona Dana dhe teze Opa’, shkruante ajo.
