Flokët e bukur janë fat, por janë gjithashtu edhe kujdes. Ndoshta një vështirësi që gratë dhe vajzat hasin me ta, në marrëdhënien dashuri-urrejtje që krijohet, është rënia e tyre. Pikërisht për zgjidhjen e këtij problemi, gazetarja e emisionit “Shije Shtëpie” në Tv Klan, vizitoi një sallon bukurie ku floku trajtohet me maska nga përbërës që gjenden në shtëpi, recetën e të cilit, e zbuluan posaçërisht për programin. Kjo maskë përdoret një herë në javë.
Përbërësit:
Limon
E verdhë veze
Vaj ulliri
Përgatitja:
Shtrydhni limonin dhe në lëngun e tij shtoni të verdhën e vezës, si edhe një sasi të barabartë vaji ulliri me lëngun. Përziejeni derisa të formohet një masë homogjene dhe aplikojeni nga rrënja drejt gjatësisë së flokut. Mbështilleni kokën me një qese dhe lëreni të veprojë për 30-45 minuta. Në fund, lajini flokët si zakonisht dhe shijoni rezultatin.
