Kloe Kardashian me anë të një postimi në Twitter ka zbuluar se ajo dhe vajza e saj trevjeçare True kanë rezultuar pozitive me Covid dhe aktualisht janë karantinuar në shtëpi. Kloe tregon gjithashtu se ajo është vaksinuar dhe çdo gjë do të jetë në rregull.
“Përshëndetje, doja t’ju njoftoja se True dhe unë dolëm pozitive për Covid. Më është dashur të anuloj disa angazhime dhe më vjen keq që nuk do të jem në gjendje t’i realizoj ato. Për fat të mirë jam vaksinuar kështu që gjithçka do të jetë në rregull. Ne do të jemi këtu në karantinë dhe do të ndjekim udhëzimet aktuale”, shkruan Kloe Kardashian.
Kloe është infektuar me Covid më parë në mars 2020, rreth kohës kur koronavirusi u shpall zyrtarisht një pandemi nga CDC.
Kardashian foli për ekperiencën e saj me Covid gjatë një interviste në tetor të 2020 në The Ellen Degeneres Shoë.
“Ishte kaq e frikshme,” i tha ajo DeGeneres për marrjen e diagnozës së saj, duke shpjeguar se kishte marrë disa masa paraprake për ta mbrojtur atë nga virusi.
Në atë kohë, Kardashian tha se pjesa më e vështirë për të qenë në karantinë ishte largimi nga True.
