Një ekip shkencëtarësh të huaj kanë njoftuar se kanë identifikuar disa faktorë gjenetikë që shpjegojnë pse disa të rinj të shëndetshëm sëmurën rëndë ose vdesin nga COVID.
Edhe pse rastet e rënda të sëmundjes prekin kryesisht të moshuarit ose pacientët me sëmundje bashkëshoqëruese si diabeti dhe kanceri, simptoma të rënda të COVID janë shfaqur edhe tek të rinjtë pa sëmundje të tjera.
Studimi i fundit vlerëson se një shkak që sjell këtë situatë janë faktorët gjenetikë.
Studiuesit janë drejtuar nga dr. Rafael Carapito në shkollën e Mjekësisë në Strasburg, e botuan punimin në revistën Science Translational Medicine duke kombinuar metodat e inteligjencës artificiale.
U ndoqën nga afër 72 pacientë në moshën nën 50 vjeç pa sëmundje të tjera të infektuar me COVID. Prej tyre 47 u futën në intubim ndërsa 25 kishin gjendje më të stabilizuar dhe morën vetëm trajtim mjekësor në spital.
U konstatua se të sëmurët rëndë shfaqën inflamacion dhe mpiksje gjaku. Ata kishin pesë gjene më aktive, më ndikues ishte sjellja e gjenit qē njihet me emrin Adam 9. Ai u konfirmua si reaguesi kryesor në thuajse të gjithë rastet me simptoma të rënda.
Studiuesit zbuluan se “heshtja” e këtij gjeni në qelizat epiletiale të mushkërive të njeriut të cilat kanë janë infektuar me COVID, e ngadalëson përhapjen e virusit.
Kjo është arsyeja pse shkencëtarët dolën në përfundim se ky gjen duhet të studiohet më tej si objektiv i mundshëm dhe prioritar për një qasje të re terapeutike për pacientët e prekur me COVID.
