Ministrja e Shëndetësisë Ogerta Manastirliu, me anë të një postimi në Instagram ka deklaruar se qeveria është e gatshme të përmbushë planin për vaksinimin e popullatës +18 dhe për t’iu përgjigjur rekomandimin e ekspertëve për dozën e tretë të vaksinës, pas sigurimit të 500,760 doza vaksine nga kompania pfizer.
“Në Komisionin e Shëndetësisë në Kuvend, ku u votua në unanimitet akti normativ që i hap rrugë ardhjes brenda vitit të 500,760 doza vaksine, falë marrëveshjes së nënshkruar nga qeveria shqiptare me kompaninë Pfizer.
Jemi të vendosur të përmbushim planin tonë të vaksinimit të popullatës +18 vjeç, por edhe t’i përgjigjemi çdo skenari që mund të rekomandohet nga ekspertët për dozën e tretë apo uljen e fashës së vaksinimit.
Do të rrisim edhe më tej diponibilitetin e vaksinave, pasi kemi siguruar deri tani që të kemi mbi 5 milion vaksina deri në 2022”.
