Shtyhet deri në datën 20 shtator afati për ndalimin e grumbullimeve në vende të hapura apo të mbyllura deri në 50 persona. Kjo masë ishte në fuqi deri në datën 6 shtator, por është zgjatur deri në fillim të javës së ardhshme.
Urdhri është firmosur nga ministrja e Shëndetësisë Ogerta Manastirliu dhe është publikuar në fletoren zyrtare. Kjo vjen pas rritjes së rasteve me COVID-19.
Aktualisht në vendin tonë është në fuqi ora policore e cila nis në orën 23:00 deri në 06:00 të mëngjesit. Po ashtu nga data 1 shtator, mbajtja e maskave në ambiente të mbyllura është e detyrueshme për çdo individ nga mosha 11 vjeç e sipër.
