Një autogol i çuditshëm i prishi ndeshjen e parë të sezonit me Lazio, Thomas Strakosha. Portieri shqiptar dënoi skuadrën italiane që u mund me rezultatin 1 – 0 të enjten në fushën e Galatasaray në takimin e parë të Europa League.
Strakosha në përpjekje për të zotëruar një top në minutën e 66’ e dërgoi në portën e tij. Gazetat sportive italiane veshin me përgjegjësi shqiptarin, por duke shtuar që edhe Lazio nuk bëri një paraqitje të mirë.
Napoli i mori 1 pikë Leicester City. Osimhen ishte shpëtimtari i napolitanëve, pasi realizoi 2 gola në pjesën e dytë. Real Betis fitoi me rezultatin 4 – 3 sfidën me Celtic. Një dhuratë për trajnerin Manuel Pellegrini në ditëlindjen e tij. Lyon i shkaktoi humbjen e parë në shtëpi në grupet e Europa League, Rangers qëkur në krye erdhi Steven Gerrard.
Skuadra franceze fitoi me rezultatin 2 – 0. Eintracht Frankfurt barazoi 1 – 1 Fenerbahçe. Pelkas çoi dëm një mundësi të artë që do t’i jepte fitoren skuadrës turke, duke goditur keq një penallti në minutat e fundit. PSV Eindhoven barazoi 2 – 2 me Real Sociedad, ndërsa West Ham mundi me rezultatin 2 – 0 Dinamo në Zagreb.
