Një ditë pasi ministria e Jashtme njoftoi masat e vendosura nga Italia për udhëtimet, një njoftim nga Tirana International Airport tregon se rregullat kanë ndryshuar. Ndryshimi ka ndodhur tek dokumenti i vaksinës. Nëse më parë ky dokument mund të shoqërohej edhe me test dhe vërtetim se është kaluar sëmundja e Covid, me rregullin e ri- nëse qytetarët nuk e kanë Green Pass me vaksinat e autorizuara nga EMA, mund të hyjnë drejt shtetit italian, por do të duhet të vetizolohen për një periudhë prej 5 ditësh në Itali dhe duhet kryer testi molekular ose antigjen në fund të periudhës së vetëizolimit.
Adresa e vetizolimit duhet të jetë e përcaktuar në formularin e Lokalizimit të Pasagjerit (PLF).
Njoftimi i plotë nga TIA:
Në vëmendje të pasagjerëve që udhëtojnë nga Tirana International Airport drejt Italisë
Të gjithë pasagjerët që udhëtojnë nga Tirana International Airport drejt Italisë duhet të jenë të pajisur me:
1) Certifikata e gjelbër (green pass) Covid-19 e lëshuar pas vaksinimit të plotë, ose certifikatë e ngjashme e lëshuar nga autoritetet kompetente shëndetësore vendore që deklaron kompletimin e vaksinimit. Njihen vaksinat e autorizuara nga EMA: Pfizer Biotech, Moderna, AstraZeneca, Jonhson&Johnson. Certifikata e gjelbër mund të jetë në formë dixhitale ose e printuar.
2) Test molekular PCR ose antigjenik, kryer brenda 72 orëve para nisjes.
3) Formulari dixhital i lokalizimit të pasagjerëve PLF https://app.euplf.eu/
Në rast se nuk plotësoni pikën 1, mundësohet hyrja, por është e detyrueshme të respektohet një periudhë vetëizolimi prej 5 ditësh në Itali, në adresën e shënuar në Formularin e Lokalizimit të Pasagjerit (PLF) dhe duhet të kryeni test molekular ose antigjen në fund të periudhës së vetëizolimit.
Fëmijët nën moshën 6 vjeç përjashtohen nga detyrimi i testit molekular ose antigjen.
Faleminderit për mirëkuptimin,
Tirana International Airport
