Dy avionët e tjerë me shtetas afganë kanë mbërritur mëngjesin e sotëm në aeroportin ndërkombëtar të Rinasit.
Avioni i parë mbërriti në orën 03:50 të mëngjesit me 154 pasagjerë, 108 prej të cilëve u strehuan në godinat e konvikteve në Qytetin Studenti. Ndërsa avioni i dytë ka mbërritur pak minuta më parë me 28 pasagjerë.
Deri tani Shqipëria ka strehuar në total 417 qytetarë afganë. Pasagjerët e mbërritur sot u rptiën nga zv.ministrja e MEPJ, Megi Fino.
“Në orët e para të mëngjesit mbërritën dy avionëve afganë mes të cilëve edhe fëmijë. Në orën 3.50 mbërriti në aeroportin e Rinasit avioni me 154 pasagjerë, 108 prej të cilëve u vendosën në Qytet Studenti dhe pjesa tjetër në struktura hoteliere në Durrës. Ata u pritën nga zvministrja e MEPJ, Megi Fino. Ndërsa pak më parë mbërriti avioni i pestë nga Afganistani brenda 72 orëve me 28 persona në bord, të cilët u vendosen në Tiranë. 182 personat e mbërritur sot çojnë në 417 nr e qytetarëve afganë të ardhur në vendin tonë deri tani”, thuhet në njoftimin e MEPJ.
