Ditët e nxehta të verës shkaktojnë problematika edhe me shëndetin për shkak të ushqimeve që konsumojmë. Instituti i Shëndetit Publik, duke marrë parasysh temperaturat e larta të këtyre ditëve, ka publikuar disa këshilla se si të konsumojmë ushqim të sigurt gjatë verës, duke mos rrezikuar nga bakteret dhe infeksionet që shkaktojnë, kryesisht tek fëmijët.
Çfarë duhet të keni parasysh kur konsumoni mish, apo produkte të tjera? Sa të sigurta janë produktet në frigorifer? Lexo më poshtë pesë këshillat:
1-Mbajeni pastër ushqimin
Lajini duart me sapun dhe ujë të ngrohtë çdo herë që përgatisni ushqimin
2-Mishi i marinar apo i shkrirë në frigorifer
Mishin e shkrirë-marinuar kur e nxirrni nga frigoriferi duhet ta gatuani menjëherë
3-Përgatiteni mishin e papërpunuar në enë të pastra
Lajini tenxheret, mjetet dhe pjatat me të cilat përgatitët mishin e papërpunuar me ujë të ngrohtë dhe sapun para se t’i përdorni përsëri.
4-Gatuajeni mishin plotësisht
Përdorni një termometër për të përcaktuar kohën kur mishi ka arritur temperaturën e duhur të gatimit
5-Mos e lini ushqimin jashtë
Mos e lini ushqimin jashtë për më shumë se 2 orë ose 1 orë, në ditët më të nxehta se 35 gradë-40 gradë. Kur keni dyshime hidheni ushqimin.
