Shkolla e Magjistratëve kërkon nga kandidatët që duan të studiojnë për vitin akademik 2021-2022 që të bëjnë vaksinën anti-covid, si e vetmja mënyrë për t’u bërë pjesë e auditoreve në tetor.
Kërkohet që çdo kandidat të depozitojë elektronikisht në sekretarinë mësimore vërtetimin zyrtar me qëllim që të jenë pjesëmarrës në trajnimin në auditor.
“Njoftohen të gjithë kandidatet për magjistratë që studiojnë në Shkollën e Magjistraturës në vitin akademik 2021-2022, (viti i parë dhe viti i dytë i studimit), që për të siguruar mbarëvajtjen e programit të trajnimit fillestar përmes mësimit në auditor, të marrin masat e nevojshme për të kryer vaksinat anti-Covid. Çdo kandidat të depozitojë elektronikisht në sekretarinë mësimore vërtetimin zyrtar me qëllim që të jenë pjesëmarrës në trajnimin në auditor prej datës 4 Tetor 2021 e në vijim. Ju kujtojmë që muaji Gusht është i hapur për vaksinimin e të gjitha grupmoshave mbi 18 vjeç”.
