13 nga 21 të konfirmuarit me variantin “Delta” në Shqipëri janë bërë vatra aktive të shpërthimit të infeksionit, kjo reflektuar edhe në rritjen e rasteve ditore të pasqyruara në buletinin e Ministrisë së Shëndetësisë.
Zv.ministrja Eugena Tomini e konfirmon këtë fakt, ndërsa shton se ky varant pritet të dominojë në 90% të rasteve të reja në muajt e ardhshëm.
Aludimeve për domosdoshmëri të një doze të tretë vaksine, Tomini u përgjigjet se ende nuk është rekomandim nga OBSH, ndërsa rithekson shfrytëzimin e gushtit si muaj i hapur për të marrë dozat.
12 nga 18 të infektuarit që janë të hospitalizuar në Covid 1 dyshohet se janë me Delta, ndërsa në ditët në vijim pritet përgjigjja e partive të tjera të mostrave të dërguara për konfirmimim në laboratorin e referencës në Gjermani.
