Pas Kosovës më 29 qershor dhe Kroacisë më 28 qershor, varianti Delta i virusit është konfirmuar edhe në Serbi.
Ministria e Shëndetësisë në Serbi e konfirmoi lajmin duke thënë se janë dy raste me të infektuar me variantin indian apo delta të virusit. Për fat të mirë, dy të infektuarit janë në gjendje të mirë shëndetësore. Ata nuk rezultuan të vaksinuar kundër koronavirusit.
Sipas Organizatës Botërore të Shëndetësisë, varianti Delta i identifikuar për herë të parë në Indi, është më ngjitës se variantet e tjera të virusit që kanë qarkulluar që prej shpërthimit të pandemisë së koronavirusit.
Në Shqipëri ekspertët kanë thënë se nuk është konfirmuar asnjë rast me variantin delta, por të tjerë kanë thënë se ekziston mundësia për shkak të hapjes së kufijve dhe mbërritjes së emigrantëve dhe turistëve nga e gijthë bota: Mos neglizhoni, qëndroni vigjilentë, këshillojnë ata.
