Modelja shqiptare me famë ndërkombëtare, Xhesika Berberi, ka ndarë me ndjekësit e saj një lajm të bukur personal, duke konfirmuar se është zyrtarisht e fejuar.
Përmes një serie fotosh të publikuara në Instagram, Xhesika tregoi se viti i ri ka nisur për të me një moment të veçantë dhe emocional. Ajo nuk e fshehu as identitetin e partnerit dhe as unazën e fejesës, duke ndarë hapur lumturinë e saj me publikun.
Në përshkrimin që shoqëron postimin, modelja e quan partnerin e saj “njeriun e ëndrrave” dhe shpreh dëshirën për të ndërtuar një jetë të përbashkët pranë tij.
Postimi u prit me reagime të shumta pozitive, urime dhe komente nga ndjekës, miq dhe figura të njohura të ekranit shqiptar, të cilët i uruan çiftit dashuri dhe lumturi në këtë kapitull të ri të jetës së tyre.
