Të lindurit në këtë muaj jo vetëm që gëzojnë klimën më të këndshme të vitit, por sipas një studimi të Universitetit Columbia, ata kanë edhe disa përparësi nga pikëpamja shëndetësore. Sipas kërkimit, personat e lindur në maj rezultojnë të kenë shëndet më të mirë, si fizikisht ashtu edhe mendërisht, krahasuar me ata që lindin në muajt e tjerë.
Por cilat janë disa nga veçoritë që i karakterizojnë fëmijët e lindur në maj?
Fizikisht: Disa studime sugjerojnë se fëmijët që lindin në këtë muaj mund të kenë një peshë pak më të ulët në lindje, gjë që lidhet me mungesën e vitaminës D gjatë shtatzënisë në muajt e dimrit. Gjithashtu, ata janë më të prirur të jenë “bufa nate”, pra njerëz i duan orët e vona dhe nuk e kanë problem të qëndrojnë zgjuar gjatë natës.
Në karakter: Të lindurit në maj janë energjikë, kokëfortë dhe të vendosur. Veçanërisht ata që i përkasin shenjës së Demit shfaqin një personalitet të fortë dhe janë të apasionuar pas bukurisë dhe rehatisë. Janë kuriozë nga natyra, duan të eksplorojnë dhe shpesh ndjekin një mënyrë jetese aktive e të mbushur me përvoja të reja. Janë gjithashtu miq të përkushtuar dhe nuk ankohen për ritmin intensiv të jetës që shpesh e zgjedhin vetë.
Shenjat e horoskopit që përfshin maji:
Nga 21 prilli deri më 20 maj është shenja e Demit – personat e kësaj shenje janë të qëndrueshëm, të dashur, praktikë dhe të ndjeshëm.
Nga 21 maji deri më 20 qershor fillon shenja e Binjakëve – ata janë të shoqërueshëm, të zgjuar, komunikues dhe me një mendje të mprehtë. Megjithatë, mund të jenë edhe të paqëndrueshëm ose të shpërqendruar.
Profesionalisht: Sipas disa studimeve, fëmijët e lindur në maj nuk kanë një drejtim të paracaktuar në karrierë, përkundrazi, ata posedojnë një liri dhe shumëllojshmëri aftësish që i bëjnë të aftë të ndjekin çfarëdolloj rruge profesionale që dëshirojnë.
Emrat e frymëzuar nga maji: Shumë prindër që presin fëmijë në maj zgjedhin emra që lidhen me natyrën, freskinë dhe rilindjen që sjell pranvera. Si asnjë muaj tjetër, maji është zgjedhur shpesh edhe si emër nga prindërit shqiptarë për vajzat e tyre, Majlindat.
