Ministrja e Turizmit, Mirela Kumbaro ka bërë publike artikullin e medias italiane ‘Gazzeta del Mezzogiorno’ e cila shkruan se Shqipëria mund të rrëmbejë titullin ‘Mbretëresha e Turizmit’ më 2024.
Kumbaro shkruan se vendi ynë ka një rritje të konsiderueshme të kontratave të turizmit të organizuar për vitin e ardhshëm, ç’ka rrit aspiratat për këtë titull.
“Rekord për vitin 2023, por gati “për të rrëmbyer edhe titullin e Mbretëreshës së Turizmit për 2024-ën”, shkruan media italiane “Gazzeta del Mezzogiorno” për Shqipërinë, duke pasqyruar edhe të dhënat nga sektori privat që tregojnë për një rritje me 35% të kontratave të turizmit të organizuar për vitin e ardhshëm”, shkruan Kumbaro.
