Bashkë me stinën e verës, kthehen edhe mushkonjat të cilat kthehen në një bezdi të vërtetë. Këto janë ngjyrat që duhen shmangur në shtëpinë tuaj nëse nuk dëshironi vizitorë të padëshiruar.
Megjithatë, ekziston një mënyrë për të hequr qafe lehtësisht praninë e tyre pasi ekspertët paralajmërojnë se ka ngjyra specifike që i zmbrapsin dhe të tjera që i magnetizojnë.
“Mushkonjat kanë vizion shumë më të dobët se ne dhe si shumica e insekteve, ato shohin në mënyrë të paqartë pa qenë në gjendje të fokusohen në detaje”, shpjegon entomologia e Skuadrës së Mushkonjave, Emma Grace Crumbley.
Pra, erërat, lëvizjet e ndryshme dhe nxehtësia përcaktojnë se ku fluturojnë, kështu që bazuar në këto informacione, këto janë ngjyrat e ndaluara nëse dëshironi një verë të qetë.
1. E zeza
Konsiderohet si një magnet për mushkonjat pikërisht sepse ato priren të shmangin rrezet e diellit, sipas pronarit të Rosenbloom Pest Control, Sholom Rosenbloom. E zeza i magjeps pikërisht sepse dielli vepron në mënyrë kërcënuese kundër tyre.
2. Blu e errët
Ngjashëm me të zezën, ngjyrat e errëta gjithashtu tërheqin mushkonjat në të njëjtën mënyrë, sepse ato i ndihmojnë ata të shmangin diellin që i pengon të bëjnë punën e tyre.
3. E kuqe
Nuk kishte se si e kuqja, duke qenë ngjyra e gjakut, t’i linte mushkonjat pa lëvizur!
4. Portokalli
Portokallia është gjithashtu një ngjyrë që i afron pranë jush këto krijesa të bezdisshme pasi është po aq intensive dhe i ndihmon ato t’i bëjnë fluturimet tek ne pa u bezdisur
Cilat ngjyra i largojnë ato?
Ngjyrat që largojnë mushkonjat, sipas studiuesve në Universitetin e Uashingtonit, janë e bardha, jeshilja, blu dhe vjollca . Kjo nuk është për shkak se mushkonjat nuk i pëlqejnë këto ngjyra, por sepse ato janë sinonim i nxehtësisë dhe dritës, veti të cilat i urrejnë.
