Më 14 mars për ditën e verës, do të vijë në Tiranë ylli i muzikës botërore, Maluma. Ai do të mbajë një super koncert në Sheshin Nënë Tereza në kryeqytet.
Dje në emisionin “Shqipëria Live” ishte e ftuar Uarda Koçi, e cila është organizatore projektesh. Ajo zbuloi disa nga kërkesat që ka paraqitur këngëtari i famshëm para koncertit në Shqipëri.
Uarda zbuloi një detaj mjaft të çuditshëm por që ishte i domosdoshëm nga ana e këngëtarit. Kërkesat e paraqitura nga stafi i tij fillonin me një tavolinë ping-pongu në prapaskenë.
“Maluma është një djalë super solar dhe gjithë ky ndriçim, pozitivitet i tij përcillet tek stafi i jashtëzakonshëm”, tha Uarda.
Disa nga kërkesat përfshinin kafenë, çajin dhe mjaltin. Një kërkesë tjetër po aq e domosdoshme janë çamçakëz pa sheqer, pasi në këtë mënyrë ai redukton stresin.
“I kemi sugjeruar stafit produktet vendore dhe njëkohësisht i promovojmë produktet tona”, u shpreh Uarda.
