Moti i keq me stuhi dhe reshje intensive shiu është parashikuar të mbërthejë vendin tonë.
Sipas IGJEUM, tre qarqet Berat, Vlorë dhe Gjirokastër rrezikojnë të përballen me përmbytje.
“Sipas llogaritjeve të IGJEO, sot priten reshje intensive, të cilat do të jenë më të përqendruara në jug të territorit. Në qarqet Berat, Vlorë dhe Gjirokastër mund të ketë vërshime të shpejta të lumenjve të vegjël malorë dhe rrëshqitje të dherave.
Në basenin e lumit Vjosa prurjet mund të shkaktojnë përmbytje të lokalizuara kryesisht në datat 11 dhe 12 Dhjetor 2021. Në zonat urbane në këto qarqe mund të shfaqen probleme me përmbytje të lokalizuara, në varësi të gjendjes së kanalizimeve”, njofton IGJEUM.
